شاهد مقالات

طه أبو بكر يكتب .. أنتخب مين !

سؤال يتبادر إلى الذهن في الفترة الماضية، ويزداد بشدة كلما اقتربت الإنتخابات الرئاسية، لدولة بحجم جمهورية مصر العربية، ولأن الصوت أمانة ، وصوتك مهم جدًا فيجب أن تعرف أولًا قيمة هذا الصوت الإنتخابي الذي يقلل من الكثير من الناس، ويحبطون من حولهم، ويقولون مثلًا مافيش فايدة، أو هى يعني جت عليا، هو أنا اللى هغير الكون.

بل والأكثر من ذلك أن يقول البعض ان المرشح الفلاني ناجح قطعًا لا محالة ، ثم يبدأ بأن يلوم الظروف ويقولك البلد دي مش ممكن تتغير، طيب هتتغير ازاى وانت سلبي ومش بتعمل حاجة، وساكت على طول، ولو اتكلمت تقول أصل الكلام مش هيفرق، طيب ماتيجئ نعمل شئ صح وتنزل تنتخب، ونختار اللى احنا عاوزينه حتى لو مفيش حد كويس من وجهة نظرك، مش مهم هتنتخب مين، انتخب الأصلح لبلدنا الحبيب ولشعبنا العظيم .

تلاقي شخص بيرد عليك يقولك ، أصل انا لو نزلت هدي الإنتخابات دي شرعية، طيب لو مانزلتش الإنتخابات هتحصل برضه ، لكن لو أديت دورك و أرحت ضميرك ،تأكد انك هتقدر تأثر وتغير، وده هيبدأ منك انت ، فإبدأ بنفسك وشارك وعبر عن رأيك وخليك إيجابي.

ضع بلدك أمامك وصورة شهداء مصر أمامك، وكل من ضحى من أجل هذه البلد لكي يعبر هذه المحنة العصيبة من تاريخه لكي يُقدم مستقبل مشرق لمصر والمصريين إن شاء الله .

مش مهم هتنتخب مين، المهم تنزل وتشارك وتخليك إيجابي، وحفظ الله مصر وشعبها من كل سوء .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *